Transcription
1
Monseigneur, je ne vous avoys ossé avertir de
2
la prinse d’Alles sans en estre bien assuré, parquoy
3
dès que la esté jour, je y avoys envoyé ung
4
païsant et depuys deux qui ne sont revenu.
5
Mays lung deux ma envoyé ungne femme quil
6
avoyct envoyé dadans la ville, laquelle ma
7
assuré que la ville a esté prinse entre quatre et cinq
8
par escallade et ont tué le curé avec ung aultre
9
prestre et ung nommé La Gerbe et Bertrand Bouquet
10
et ung aultre quelle ne sè le non et dict ladite
11
avoir veu mort et le nonbre de gens qui peuve
12
estre qui sont environ soixante ou quatre vingt
13
qui tienne asiégé ungne tour ronde là où il
14
sont dedans dix ou douze à ce que ceulx de
15
la ville peuve jugé, qui se defende bien car dicy
16
nous les entendons tirer force harquebusade.
17
Le cappitaine Coradin est sortit de Crest avec cent
18
ou six vingt harquebusiers pour les venir secourir,
19
se que je croict qui ne sera bastable pour les
20
hosté de là car, à ce que dict ceste femme, il y
21
en venoict tousjours à la fille qui entrions
22
dedans. Je croyt queste assés avertit comme monsieur de
23Brianson [barré : est ] et le cappitaine Brianson sont allé à Grenoble
24parce que madamoyselle [barré : s ] leur mère estoyt fort malade
25
et mourut jeudy dernier, ce qui les a retardé et à
26
leur depart, me laisare en ce chasteau là où je suys, faisant
27
la meilheure garde qui nous est posible, tellement quencores
28
que nous soit bien proche voisin, cy ne le doutournons
29
aucunement car nous saurons assé fort pour leurs bien
30
ronpre la teste cy nous vienne veoir. Je dis quant au chasteau.
31
Quant à la ville, il font la meilheure garde qui leur est
32
posible. Qui sera la fin, après avoir prié Dieu
33
monsieur vous tenir en sa garde. Du chasteau de Graine, ce 24e
34
fevrier 1574.
35
Votre très humble et très hobeissant serviteur
36
duchasteau.